ريڊرز ڊائجسٽ دنيا جي چونڊ ذهانتن مان سرجيل مضمون ڇاپڻ ۾ عالمي رڪارڊ رکي ٿي. هي ڪتاب ان ۾ سيلف ڊولپمينٽ جي موضوع تي ڇپيل شاهڪار مضمونن جو ترجمو آهي. هي ڪتاب زندگيءَ کي بهتر کان بهتر ڪيئن ڪجي ۽ ڪاميابيءَ سان ڪيئن گذارجي؟ جا ڪارگر ۽ پر اثر طور طريقا وضاهت، فصاحت ۽ مثالن سان پيش ڪري ٿو. اهي مضمون ماڻهوءَ کي نه فقط نفسياتي مونجهارن مان ٻاهر ڪڍڻ جي ڪوشش ڪن ٿا پر جسماني چستي پڻ برقرار رکڻ جي سکيا ڏين ٿا.
سنڌ جي تمام وڏي آرٽسٽ انجنيئر شفقت حسين وڌو هن ڪتاب جو ترجمو ڪري ان ۾ آرٽ ۽ حسن جا اهڙا رنگ ڀريا آهن جو ماڻهو چاهيندو ته هن ڪتاب کي وري وري پڙهان.